អន្តរជាតិ៖ នៅថ្ងៃសៅរ៍ ទី១២ ខែមីនា ប្រជាជនបូលីវីបានប្រារព្ធពិធី "ElectroPreste" នៅក្នុងទីក្រុង La Paz។ នារីអ្នកចំបាប់ Cholita បានសម្តែងនៅលើសង្វៀននៅតាមដងផ្លូវដែលជាផ្នែកមួយនៃការប្រារព្ធពិធីនៃការបញ្ចូលគ្នានូវវប្បធម៌ Aymara ជនជាតិដើមភាគតិចជាមួយនឹងប្រទេសបូលីវីបែបទំនើប។

ឆ្នាំនេះជាការត្រលប់មកវិញនៃពិធីបុណ្យ "ElectroPreste" ចាប់តាំងពីវាត្រូវបានលុបចោលកាលពីឆ្នាំមុនដោយសារជំងឺរាតត្បាត។

ទោះបីជាប្រជាជនក្នុងប្រទេសបូលីវីនៅតែរក្សាការប្រុងប្រយ័ត្ន ក៏ពួកគេសប្បាយចិត្តដែលអាចមកជួបជុំគ្នា និងរីករាយជាមួយពិធីបុណ្យនេះម្តងទៀត ដើម្បីចងចាំពីតម្លៃ វប្បធម៌ និងអត្តសញ្ញាណរបស់ពួកគេ។

លោក Daniel Lobos ដែលជាអ្នកទស្សនាជនជាតិអេក្វាឌ័រ បាននិយាយថា៖ «មានការចាក់វ៉ាក់សាំង ហើយវាបានដំណើរការហើយ ដល់ពេលដែលត្រូវបើកសង្គមម្តងទៀត។ វាដល់ពេលហើយដើម្បីមានអារម្មណ៍រស់រវើកនិងរីករាយ»។

ប្រជាជនបូលីវីបានធ្វើដំណើរឆ្លងកាត់ប្រទេសទៅកាន់ទីក្រុង La Paz ដើម្បីអបអរសាទរការលាយបញ្ចូលគ្នានៃអត្តសញ្ញាណជនជាតិដើមភាគតិច និងសម័យទំនើបនៃប្រទេសបូលីវី។ ក្រុមតន្រ្តីប្រជាប្រិយ និងអ្នកសំដែងច្រៀង និងរាំនៅតាមដងផ្លូវ និងក្នុងក្លឹបរាត្រីក្នុងកម្មវិធីនោះផងដែរ៕